:”فى البداية تعالا نعرف يعنى أيه “تسويق

“التسويق بكل بساطة هو “فن

فن البيع وعرض المنتجات بصورة تشد المستهلكين ليك وتجذب الزبائن للسلعة او الخدمة اللى حضرتك بتقدمها”وكلمة تسويق عموما مشتقة من “السوق
لازم تعرف ان التسويق علم مهم جدا لأنه بيضم مجموعة من العمليات اللى بتتمثل فى دراسة السوق وتحديد الزبائن المستهدفة ودراسة  طلباتهم وأحتياجاتهم ورغباتهم  وبيعمل على تنفيذها وتحقيقها وإنه كمان بيحدد الأسعار المنافسة علشان يكون الأفضل بين السلع  المنافسة فى السوق

تسويق

كدا إحنا عرفنا يعنى أيه تسويق بشكل مبسط يلا بينا نعرف أيه هى أفضل طرق التسويق ؟؟

وعشان تضمن نجاح عملية التسويق لازم تكون عندك شوية صفات كدا علشان تطلع افضل نتايج لبيع المنتج وإشهاره
زى مثلا : إن شخصيتك تكون قوية عشان تقدر تقنع العملاء أنهم يشتروا المنتج بتاعك ، وفى نفس الوقت تكون حريص جدا علي إنك ماتفرضش نفسك على العملاء وتضيع وقتهم لكن لازم تكون مخطط كويس جدا قبل مقابلة أى عميل ، وكمان لازم علشان تكون مسوق شاطر انك تحدد الجهة اللى عاوز تسوق ليها المنتج وتكون عارف كويس جدا ان الجهة دى عاوز تشترى المنتج بتاعك .

وعشان تكون مسوق ناجح لازم تكون عامل حصر للمنتجات التانية المنافسة للمنتج بتاعك من حيث سعرها، والخصومات اللى معاها ، ومن المهم جدا انك تعرف العيوب اللى بيشتكي منها الزبائن فى المنتج ، وده مهم جدا للتعليم وتحسين المنتج اللى بتسوق ليه

وزي ماقولنا قبل كدا ان التسويق ليه طرق واساليب ومهارات معينة لازم يبقا المسوق معروف بيها ؛ ف علشان تعمل تسويق ميداني لازم يبقا عندك صبر “كن صبور ” وتبقا قادر أنك تتنقل بين كذا مكان وتقابل أشخاص ممكن مايتقبلوش أساسا فكرة التسويق، فيه شركات بتودى المندوبين بتوعها للبيوت لتسويق منتجات معينة زى منتجات التجميل، والطريقة دى ممكن ماتعجبش بعض الناس ، لكن لازم المسوق يتوقع أيّ تصرّف من الطرف  التانى، وأنه يبقا عنده ذوق وأخلاق عالية علشان يتقبل ويحترم رغبات الاخرين
أما التسويق الالكتروني واللى ليه وسائل كتيرة في العصر ده فهو بيحتاج مهارات استخدام الكمبيوتر والانترنت بشكل رئيسي ، والشركات حاليا بتهتم أنهم يعملوا صفحات لتسويق منتجاتها من خلال وسائل التواصل الاجتماعي المختلفة، وده مش معناه إن النوع ده من التسويق أسهل من الطرق اللي فاتت لأنه بيعوز أحياناً الخبرة في تصميم الإعلانات والصور الخاصة بالمنتج عشان تكون اكتر جاذبية، غير إن بناء الثقة بين المسوّق والعميل عبر الانترنت مش حاجة بسيطة خالص ، لكن لوكان المسوّق عاوز ينشر منتجه لازم يعمل كل اللي في وسعه علشان  يقنع الزبون

التسويق الإليكترونى

ومن التسهيلات اللي بيتميز بها التسويق الإلكتروني إنه ممكن يتعمل من البيت وعند طلب المنتج بيتم توصيله للزبون
أمّا المنتجات اللى بيتم تسويقها إلكترونياً فهي كتيرة جداً، منها البرامج والتصميمات، وفيه العديد من المواقع الإلكترونية حالياً اللي بتتيح للشخص بيع منتجاته وحاجاته الخاصة عبر الانترنت، والتسويق ده مش عاوز غير مهارات العرض والطلب

من المهم جداً الاهتمام بالعملاء وزيادة عددهم لزيادة حجم المبيعات والحفاظ على المنتج في السوق وتحسينه عشان يبقا أفضل من المنافسين بتوعه بالبلدى كدا “سنجف الزبون ” ،وعشان يحصل ده : فيه بعض الأساليب المتبعة والبعيدة عن الإعلانات التقليدية اللى بقت مملة للبعض، وممكن نبدل الإعلانات دى بإننا نعمل عينات من المنتج ونوزعه على الأشخاص لتجربته قبل شرائه ومعرفة القدرة  الشرائية للعملاء لوضع أنسب سعر للمنتج