بعد ماتجهز موقعك والكلمات المفتاحية وتشتري الاستضافة والدومين مش هايبقالك غير خطوة واحدة وهي

إنك تكون عندك خطة لكتابة محتوى مميز يساعدك في إنك تكسب ثقة الزوار

و تحولهم بعد كدا إنهم يتفاعلوا مع المنتجات اللى بتسوقلها من خلال الموقع بتاعك أو تخليهم

يضغطوا على الاعلانات اللى بتحطها ، بس دايما هاتقابل مشاكل كتير لما الموضوع يبقا متعلق

بالمحتوى بالذات أنك تلاقي أفكار لمقالاتك و أزاى تكتب محتوى كويس يلبي طلبات جمهورك

،علشان كدا لازم تركز معانا كويس جدا علشان هانقول في المقال ده طريقة كويسة جدا

لكتابة محتوى قوى تساعدك فى حل المشاكل دى

 

:يلا بينا نبدأ ال 5 خطوات اللى أتفقنا عليهم

محتوى content

أول حاجة : خلى المحتوى بتاعك ليه قيمة 

نعمل كدا إزاى ؟؟

 

الفكرة ببساطة إنك تكتب محتوى قوى جدا احسن من اللى ال 10 مواقع اللى بتحتل الصفحة الأولى

فى الترتيب

“دايماً خلى القانون ده فى دماغك  ” قدم قيمة علشان تلاقى قيمة

 

(تانى حاجة : لازم تسأل نفسك سؤال ( أيه الهدف من محتوى موقعك ؟؟؟

 

حضرتك المفروض بما إنك صاحب موقع فلازم إنك تحدد هدفك كويس جدا من محتوى الموقع

بتاعك ، ماتقلش عن 10000 دولار شهريا

10000 ?

أيوة طبعاً ! دا انتا كمان لازم تاخد وقتك وتفكر فى أهداف أكبر من كدا بكتير

إفتكر كويس جداً إن المحتوى مش مجرد كلمات فى حل مشكلة معينة للناس ، و كل مايبقا محتواك

مفيد كل ما هاينجح موقعك ويكبر

 ، لكن هو أكبر من كدا بكتير دا وسيلة بتساعدك

تالت حاجة : إسأل نفسك سؤال تاني وهو ” مين هو جمهوك ” ؟؟

!!طبعا هاتقوللى إن الكلمات المفتاحية اللى جهزتها خليتك تعرف جمهورك كويس

لا طبعاً

لازم تكون دارس جمهورك كويس جداً ،

بص خليك زى ظابط أمن دولة بيحقق في قضية كبيرة جداً ، إعرف أدق التفاصيل بتاعة جمهورك

، بيحبوا إيه ؟؟ ، إمتى هايصحوا ؟؟ , إمتى هايناموا ؟؟ أيه نشاطاتهم ؟؟، الصفحات اللى

بيتابعوها؟؟

كل ده ممكن تعرفه من المواقع دى

موقع ألكيسا

علشان تعرف العمر والبلد اللى زوارك منها ..

 

 

Facebook Insight

بيديك تفاصيل الأعمار والنشاطات وتفاصيل مهمة ودقيقة جداً

 

رابع حاجة : لازم تعرف إيه المحتوى اللى لازم يتنشر ؟؟

 

طبعاً بعد ماعرفت جمهورك دلوقتى لازم تحدد إيه المحتوى اللى هايتنشر حاول إنك تجمع

الإيميلات الخاصة بزوار موقعك ، حاول إنك تنشر فيديوهات علمية مثلا ساعات أو نصايح

,ماتركزش بس على نشر محتوي للمنتجات بتاعتك خليك دايماً عادل مع جمهورك علشان يحبوك
..

خامس حاجة والأخيرة :يلا نبدأ فى كتابة المحتوى

دلوقتى وصلنا لأهم خطوة وهي إنك تدور على مقالات متعلقة باللى هاتكتبه تاخد منها أفكار

لمحتواك

إقتراحات جوجل عند البحث : عارف لما بتدور على حاجة فى جوجل وتلاقيه أثناء البحث عرض

عليك إقتراحات كتير كدا ؟؟

الإقتراحات دى مفيدة جداً وتقدر تخليها عناوين فرعية لمقالتك ، ممكن مثلاً تحط كلمة رئيسية لمقالة

وتاخد الإقتراحات اللى جوجل عرضهالك و تكتبها عندك ، هاتلاقي فيها عناوين فرعية ورئيسية

ممكن تستخدمها فى مقالتك

eHow.com

موقع ” كيف ” اللى بيعرض عليك حلول لكل مشكلة وإزاى تحلها .

ممكن تحط الكلمات المفتاحية فى البحث في موقع ” كيف “ووتعمل سيرش هاتلاقي 100 مقالة

متعلقة بالكلمة ممكن تاخد منها أفكار

ممكن آمازون : حلو جداً ومفيد لو هاتكتب عليه مراجعة منتج ،ممكن تعرف اراء الناس عن المنتج

اللى هاتكتب عليه