بص انا هفهمك القصة من الاول
واحد صاحبي شاف اعلان عن وظيفة مطلوب حد حسن المظهر وساكن جنب الشركة ومتفرغ.. بغض النظر عن اول شرطين دول لكن انا عاطل فصاحبي بعتلي الاعلان
وصلت لقيتها شركة دعايا وإعلان بس انا اول مرة اشتغل في الاعلانات دخلت الانترفيو والحقيقة المرتب كان عالي جدا فسألوني اشتغلت قبل كدة في المجال ده قلتلهم اه طبعا
المهم طلبوا مني اكون Creative ,postive وبلاش negative يعني انا الانجليزي بتاعي على قدي بس فهمت انهم عايزين حاجة اخرها ive دي فقلت سهلة جدًا
رجل بركة قالي يابني انت اهبل؟ خد باين عليك ابن حلال انا هفهمك دول شركة بتعلن للمشروعات وتسوقلها وتديرها وتقدم تقارير .. الخ وبيدوروا على حد يفهم الناس الكلام ده بس بشكل مختلف..فهمت عايزين ايه ؟
الرجل صعب علي بعد ده كله اقوله لأ وانا مفهمتش غير ان الموضوع في اعلانات واننا لازم نكون مختلفين
دخلت على صفحات الشركات اللي زينا لقيتهم كلهم عاملين اعلانك عندنا او اعلن معانا او اعمل اعلانك هنا يعني المهم خليك معانا وبس وانا رجل انطوائي خلقي ضيق اصلًا فمش طالبة خالص حد ييجي يقعد معايا وفي نفس الوقت كنت عايز اختلف.. فلاقيت الحل

ايوه بالضبط عملت الاعلان ده بشكل مختلف تمامًا وسميته «ماتعملش اعلانات عندنا» ولقيت صورة الرجل اللي بينط من فوق السور دي حلوة وشوية زرع تحت مش بيدلوا على اي حاجة وابيض واسود علشان ماتلفتش انتباه حد واللوجو على اليمين اهوه وعملت مربعين اصفر واسود اللي هو قال يعني بظبط الاعلان
بس هم كان ليهم شرط احط رقم التليفون ده ٠١٠٦٤١٤١٩٤٠في الاعلان علشان قال لو حد اتصل.. الحقيقة كنت بفكر اختلف في دي كمان وفكرت احط رقمي انا مثلًا كانت هتبقى حركة فاجرة 😂😂 بس انا انطوائي ومش بحب حد يكلمني اساسا زي ما اتفقنا فوق 😕
الاعلان الجاي ان شاء الله هفهمكم ازاي «سعرنا غالي» ، وان «مشروعك مش آمان في ايدينا» وطبعًا «محدش هيسمع عنك حاجة» 😀