: التسويق من خلال شبكات التواصل الإجتماعية بالإنجليزي يعنى

 
 ” Social media marketing “

social media

و ده واحد من أنواع التسويق الإليكترونى اللى هو أفضل طريقة للتسويق زى ما قولنا فى مقالة

قبل كدا

بيخليك تكسب زوار لموقعك أو تكسب عملاء لشركتك أو منتجاتك من خلال إنك تشد إنتباههم

عن طريق السوشيال ميديا .

وده نوع من التسويق بيبقا المجهود اللى بتبذله عليه هو إنك تكتب محتوى يشد إنتباه اللى بيقرأ

ويخليه يشير الكلام ده على

السوشيال ميديا علشان توصل للعملاء بطريقة سهلة من غير ماتحتاج لتحديث المحتوى يدوياً

 

ليه التسويق بالسوشيال ميديا ؟؟

 

مواقع السوشيال ميديا عبارة عن مجتمع كامل بتسمح للناس إنهم يتفاعلوا مع بعض ويبنوا

علاقات قوية على النت

فمثلاً لو فيه قناة إنضمت لواحد من مواقع السوشيال ميديا فده بيديها إمكانية كبيرة جداً إنها

تتواصل مع جمهورها فى العالم كله

وده طبعاً بيسهل عليها إنها تروج للمنتجات بتاعتها أو اللى هاتقدمه وتضمن إنه يوصل لعدد كبير

جداً من الناس المتابعة

وفيه خاصية مهمة جداً بتخلى السوشيال ميديا مهمة جداً فى التسويق وهى خاصية الشير

“المشاركة “

أو الريتويت ” إعادة التغريد ” على المنشورات اللى بيحطها المسوق لو كان العميل مهتم

بالبوست اللى المسوق كاتبه والموضوع ده بيعمل إنتشار كبير جداً للمنتج أو الشركة أو المنشور

عامةً بشكل كبير جداً وفى أقصر وقت ممكن من غير تعب

وطبعاً مواقع السوشيال ميديا فيها معلومات كتيرة جداً عن الخدمات والمنتجات اللى العملاء

عايزينها , وده طبعاً بيخليك تحلل السوق بكل سهولة وتوصل للحاجة اللى العملاء عايزينها

وتستهدفهم من خلال منتجك اللى بتسوقله

 : وفيه كمان التسويق من خلال الموبايل

تسويق موبايل

واللى بقا وسيلة مهمة جداً وممتازة للتسويق

لإنه منتشر جداً فى العالم ومافيش حد دلوقتى مش معاه موبايل مافيهوش نت ومواقع سوشيال

ميديا

وده مفيد إزاى ؟؟

لإنه بيتم إخطار العميل بأي بوست جديد  بينزل على صفحات السوشيال ميديا اللى مشترك فيها

أو متابعها من موبايله

. وده بيخلى إحتمالية الوصول للعميل كبيرة جداً علشان تقوله الجديدعن المنتج اللى بتسوق ليه ..

تمام كدا ؟؟

 

طيب إيه هي أهم وسائل السوشيال ميديا للتسويق ؟؟؟

 

تويتر : twitter

تويتر

تويتر بيخلي الشركات تنشر منتجاتها وتسوقلها بطريقة فردية .بحيث إنهم ممكن ينشروا طريقة

إستعمال المنتج أو يوصفوه وصف بسيط فى منشور صغير ,وبتخلى المتابعين يتابعوها بسهولة .

ممكن المسوق كمان إنه يستخدم روابط أو صور أو فيديوهات لتسويق منتجه عن طريق تويتر

 

الفيس بوك : facebook

فيسبوك

الفيسبوك بيبقا أكتر تفاصيل من تويتر علشان بيسمحلك إنك تنشر أكبر قدر من المعلومات عن

المنتج بتاعك من غير مايحددلك عدد حروف معينة , بالإضافة لإنك ممكن تنزل فيديوهات أو

صور من غير حدود .وكمان بتعرض المنشور بعد مايتنشر فى الصفحات الرئيسية لعدد كبير من

المعجبين وده بيخليها وسيلة التواصل المفضلة لكتير من المسوقين

جوجل بلاس : google+

جوجل بلاس

.برغم إن جوجل بلاس فيه عدد كبير من مزايا الفيسبوك بس فيه ميزات كتير وإمكانيات تانية

زي دمج الصفحات مع خدمات جوجل زى جوجل أدورد واليوتيوب وخرايط جوجل .وده بيديله

إنتشار كبير ومعلومات كتير عن المنتج

 

اليوتيوب: youtube

يوتيوب

اليوتيوب بيجيله مليار زائر شهرياً بمعدل ساعة واحدة فى الشهرلكل فرد على الكوكب ويعني 6

مليار ساعة الناس بتشوفها شهرياً من كل العالم .وبيترفع 100 ساعة فيديو كل دقيقة .وممكن

تكون أقوى شبكة للتسويق و كان المسوق بيستخدمها فى نشر منتجاته . فا لو إستخدمتها بشكل

 . صح هاتوصل لملايين الأفراد فى العالم كله